Zampui tlang chanchin tlangpui

Jampui tlang hi Tlang lian lutuk lo, tlangdung sei tak ani a, a tlangsang ber lai (Thaidawr) phei hi chu Tripura a Tlangsang ber ani.He Tlang dung hming hi tute sak nge ni ang tih hriat a har hle a, Ranglawng ho chuan, “Darkhuang hi kan tawng chuan ‘Jamluang’ ani a, hmanlai in he tlang ah hian  Jamluang (darkhuang) an thukru a, chuvangin ‘Jamluang tlang’ tih ani a; tlaikhawhnuah Duhluian tawng hmang hoten ‘Jampui Tlang’ anti ta mai ani e,” ti in an sawi.

              Pu Vunga (Vungsekia) chuan, he tlanga lo awm hmasa ten hripui an vei vak mai a, an zam em em mai a, chuta tang chuan tumah an awm ngam ta lo va, an sawi nikhua pawhin chu hri chuan a rap em em mai a, chu vangin he tlang hian ‘Jampui Tlang’ alo pu ta ni in a sawi.

               Jampui Tlang hi kum 1827 ah an tiau san a,an reh san ta vang vang a, tichuan, kum 1910 ah Sailo lal Dokhuma’n khua asiam leh ta chauh ani.Kum 83 lai chu ram ruak ni in, mihring cheng an awm lo ani.
 

                                       Jampui an luah kum:

Dokhuma sailo in kum 1910 ah Hmawngchuan khua a din a, Lal Hrangvunga Sailo in kum 1912 ah Phuldungsei khua a din a.Kum 1913 ah Rivung lal Lalkunga’n Sabual khua a din ve leh a ni.Tichuan 1913 ah chuan JAMPUI Tlangah khaw thum alo awm ta ani.
            Dokhuma khua Hmawngchuan hi in 100 an ni a.Hrangvunga khua Phuldungsei hi In 170 lai an tling. Lalkunga khua Sabual chu In 15  an ni  t hung ani.Tin, 1915 ah Dokhuma’n Hmawngchuan khua chhuahsan in Behliangchhip khua a din a, In 100 lai tlingin an inchhal bawk.Hrangvunga’n 1915 ah Kristian ho awmna bik atan Tlangsang khua a din a; In 23 an ni bawk.

         Kum 1915 ah chuan Jampui Tlangah khaw 4 alo awm ta ani. Chungte chu:

1.Phuldungsei  2.Tlangsang  3.Sabual  4.Behliangchhip  te an ni.

         Rivung Lal, Lalkunga ho chu kum 1916 ah Sakhan lamah an chhukthla ta ani.Tin, kum 1918 ah Hrangvunga’n Sabual khua a din ve leh thung a, kum 1919 ah Dokhuma’n Vanghmun khua a din ve leh a, an kai kum hian In 54 an ni.Tichuan, kum 1919 ah chuan khaw 5 an awm ta ani.Dokhuma’n 1923 ah Hmunpui khua a din leh a, 1936 ah Hmawngchuan an kai leh ta bawk ani.1935 ah Hmunpui khua chu khaw hnih ah an lo insiam ta a, Tlaksih ah in 25 lai an chho ta ani.Hmunpui khaw hmar lam tlang ah Hmunpui khaw hming pu in In 30 an awm bawk.Kum 1940 ah Bangla khua din ani leh a, 1942 ah Vaisam khua chu din ani leh ta bawk ani.Tichuan 1942 ah chuan Jampui tlang ah khaw sawm lai alo awm ve ta ani.

        Heng hun laia Jampui tlanga Lal awm te chu :

1.Raja,Bahadur Dokhuma Sailo

2. Raja Hrangvunga Sailo

3.J.C.Chawngbiala

4. Bawktelela te an ni.

                                       

Kindly Bookmark this Post using your favorite Bookmarking service: